marc

Marc, m. Est le gros et terrestre qui demeure apres que le jus est espreint de quelque chose, Spissamentum. Ainsi dit on le marc des raisins, ce qui demeure sur la met du pressoir, apres que tout le vin en est tiré, Vinacea. Le marc des olives, Faex olearia. Le marc d'une composition de medecine, qui demeure apres que le jus de tous les ingredients d'icelle en est tiré, Magma, Stymma. En cette signification on dit, Tailler un Marc, quand les pressuriers avec leur doloire trenchent les bords du marc des raisins apres qu'il ne coule plus, rejettants les rongnures sur le milieu d'iceluy, pour luy donner une autre serre, Circumcidere vinaceam. Bud. ex Plin. Et faire un marc, Vuas praelo exprimendas subdere. Mais en fait d'orfavrerie et de monnoyes, Marc est une espece de poids qui contient huict onces, chascune de huict gros, chascun de trois deniers, chasque denier de vingtquatre grains, chascun de vingtquatre Karobbes. Selon cette signification lors qu'on comptoit par poids, on disoit, Elle a eu en mariage tant de marcs d'or ou d'argent, Auri argentive tot semipondo, illi doti fuere. Il a esté condamné en cent marcs d'argent, Centum auri semipondo pendere damnas est. A peine de cinquante marcs d'argent, Poenae nomine quinquaginta semipondo indicta sunto. Marc aussi est un nom propre d'homme, Marcus.

Thresor de la langue françoyse. Jean Nicot.